Curso aberto de ArchiCAD.

Como propósito de ano novo baixeime o programa Archicad 20 da páxina oficial de Graphisoft. A verdade non ten moito inconvinte, podes rexistrarte como profesor ou alumno dun centro educativo para baixarte unha versión libre de 30 días ampliable a licenza educativa por un período dun ano a cambio de enviar unha documentación persoal e un documento que xustificara que son profesor. Rápidamente recibín unha licenza e púxenme con este invento.

A verdade picábame un pouco a curiosidade xa que teño lido pola rede que se queres ser BIM Manager deberas controlar non soio Revit senon tamén Archicad, aparte que os usuarios deste programa valórano máis que a Revit. 

Non pretendo con isto facervos optar por un ou outro, aínda que Archicad parece máis profesional non podemos deixar de carón que Revit pertence a Autodesk, o que lle da unha versatilidade pasmosa con outros programas desta casa. Así que aínda que Revit poida ter ases na manga para impoñerse en formato BIM non debéramos desprezar as posibilidades de Archicad e habería que manexarse algo con él. 

Para iso teño atopado a canle Youtube de Learning Archicad, moi interesante, en castelán e con bastantes vídeos titoriais que poden axudar moito á hora de iniciarse no manexo deste programa. 

Como mostra e para os que coma min non tendes idea de qué vai isto e queredes comezar a manexarvos con él (xa aviso que o manexo é moi distinto ao de AutoCAD) van uns primeiros titoriais que a verdade están sendo de bastante axuda. Explican o traballo con moito detalle e podes descargar os arquivos de traballo dunha ligazón ad.fly. Aínda que teñen data do 2013 a versión 20 non cambiou tanto e poden empregarse perfectamente, aportando máis de 15 horas de entrenamento nesta interesante ferramenta.  

Se queredes algo de documentación escrita tendes tamén este titorial. 

Ánimo e que o ano comece ben o mellor. Deica. 

Navisworks: BIM en 4D

Outra das cousas coas que teño que poñerme, por se non me chegaban o BIM e mailo inglés, que Autodesk xa tirou da man un novo software de formato BIM, pero agora en 4D. O do 4D non é que sexa unha simple largada, ocorre que xa non somentes podemos efectuar mediante Revit ou ArchiCAD un modelo 3D moi preciso do edificio que pretendemos facer senon que tamén. podemos integrar o tempo como cuarta dimensión (dahí o 4D) e podemos efectuar un modelo do noso edificio no que se vexa a construción do mesmo ao longo do tempo. 

Por suposto que esta xestión dixital da construción será usualmente previa á propia construción, polo que Navisworks queda como unha ferramenta de planificación e xestión que promete un sinfín de capacidades para xefes de obra e Project Managers, merced á integración con Revit, intercambio de arquivos con Excel, Primavera (ao que semella que podería desbancar nun prazo non moi lonxano) ou mesmo PowerPoint. 

De feito xa vos guindo de seguido un video titorial no que se mostran as capacidades de intercambio con Revit e a capacidade de coordinación de ambos programas.  

As posibilidades dixitais do traballo na construción non parecen logo facer senon multiplicarse, e o problema, claro, é que hai que adaptarse a calquera innovación. Non parece fácil, pero o contrario é quedarse atrás. 

De momento, para ir comezando con este prometedor programiña, unhas axudas que me fun atopando de momento por ahí son as seguintes: 

Este titorial en Youtube do BIM Manager Jaime Guzmán Delgado para Navisworks 2016. 

A axuda oficial de Autodesk en castelán para Navisworks 2017. 

E este módulo oficial de aprendizaxe tamén de Autodesk para Navisworks 2017.

Se vai aparecendo máis información ireina guindando por aquí.

Saúdos a todos e feliz 2017. 

Autodesk Robot Structural Analysis Professional 2016

Nada, que como a Semana Santa é unha data propicia para estropear por Internet e baixarse cousas, desta probei con Robot Structural, a versión de cálculo de estruturas da casa Autodesk, que como sabedes comparte os seus programas se son para emprego educacional. 

De momento moi pouquiño que falar, simplemente que instalalo xa dou traballo, non tanto como REVIT pero sí o suficiente como para ter que desactivar firewall e antivirus mentres executamos a instalación, a primeira vez non o fixen e quedoume colgada a medio camiño. Como estes programas teñen que descargar varios xigas, xa vos imaxinades a alegría que dou. 

A primeira vista aparenta complexo, se ben os comentarios nos foros son que pronto, en compaña de REVIT, pode facerse con todo o mercado. 

Como non teño para moito máis, de momento poño aquí links que poden ser útiles aos que pretendades poñervos co programa. 

Descrición de AutoDesk Robot Structural con links de descarga e activación. 

Características do programa na páxina oficial de AutoDesk. 

Páxina oficial de axuda on-line (de momento non está en castelán, ide dándolle aos idiomas). 

Páxina de documentación oficial de AutoDesk. 

E o foro oficial de AutoDesk para a aplicación. 

E por suposto unha serie de videos para irse introducindo. 

E para rematar, este titorial de cómo facer estruturas de formigón armado. 

Deica. 

Manual on-line de AutoDesk REVIT 2016.

Dende 2011 AutoDesk pechou os grifos de soltar manuais en formato pdf dos seus programas, o que a verdade non me parece tan boa idea aínda que Internet tense desenrolado de sobras nestes anos. 

A cambio disto o que fai a empresa é publicar dixitalmente manuais de axuda dixitais. O que vos traio hoxe ven sendo o manual oficial da empresa para REVIT 2016, a nova versión do programa BIM por excelencia de AutoDesk. Hai que ter en conta que para presentar proxectos no eido da UE as súas institucións xa piden que os proxectos se subministren obrigatoriamente en formato BIM, deixando de lado os arquivos .dwg ou .pdf. 

Imaxes de proxectos arquitectónicos realizados con REVIT

Así pois, o que vos podo deixar de momento é esta ligazón que vos envía directamente ao manual dixital de REVIT, o que espero que vos sirva para a apredizaxe da ferramenta, coa que teño que poñerme eu mesmo sen máis dilación.

E como sempre pode facer falta o manual on-line de calquera dos produtos de Autodesk, aquí vos deixo tamén ligazón á súa páxina de axuda.

A maiores, como sempre pode facer falta, unha publicación que me atopei na páxina de The Masonry Society sobre modelizado de albañilería en BIM. En inglés, iso si. 

E para facer BIM Management, dende a páxina española de Building Smart as guías uBIM de documentos de estandarización para usuarios BIM.

E como nunca ven de máis, un titorial oficial de Autodesk para comezar a andar con esto de REVIT en 6 unidades expostas en documentos pdf: 1, 2, 3, 4, 5 e 6. 

E para pasar un pouco máis o tempo unha serie de vídeos titoriais nesta lista de reprodución de Youtube, e este titorial dunha casa de dúas plantas xunto con este curso en 8 vídeos. 

Feliz 2016.