Rede de blogues de ensino.
Nalgúns destes blogues ofrezo contidos de películas ou música con copyright que non me pertenze. Non hai para iso máis intención que a de compartilo como medio de aprendizaxe. Tampouco colgo eu estes contidos á rede senon que simplemente dou enlaces aos mesmos. Quen pense que vulnero os seus dereitos de autor non ten máis que solicitarme a retirada dos enlaces mediante un correo electrónico.
Agora ben, saberedes tamén que, de feito, a xustificación das esixencias básicas pedidas polo CTE é bastante complicada, por non dicir inabarcable dende o punto de vista do traballo manual, de operacións en papel e incluso con folla Excel. O certificador de hoxe en día debe contar obrigatoriamente co auxilio de programas informáticos adecuados a fin de emitir os seus cálculos, o que esixe manexo do programa e coñecementos construtivos e de interpretación dos resultados que lle permitan detectar o erro, que usualmente non se revela a non ser moi groseiro.
Como hai que saber de principios construtivos, coñecer a normativa e de propina manexar un programa polo común farragoso e con moitos detalles aos que atender, estar ao día neste eido faise moi costa arriba. Así que, como calquera axuda está ben, penduro aquí uns videos titoriais atopoados en Youtube que francamente teñen boa pinta (aínda non me puxen con eles) a ver se van valéndonos de algo.
O primeiro ven a cargo de ECOEFYS SL, empresa de auditoría enerxética, Entidade de Control e Cualificación Enerxética de edificios, e tamén de Formación especializada.
Esta empresa subiu a Youtube o seguinte video onde analiza cun exemplo un exercicio completo coa ferramenta unificada Lider-Calener (para obra nova). Poño de seguido o video completo, que dura case que dúas horas e media, así que como se pode facer moi longo podedes mirar na súa canle de Youtube, onde podemos atopar o mesmo exercicio dividido en tres partes, facendo a visión máis asumible. Na descrición do video tendes tamén ligazón para baixarvos os arquivos empregados no exemplo, todo un detalle. Para máis descargas, a dirección de descargas da súa páxina web.
Ricardo Álvarez tamén sube a Youtube un titorial de modelización na mesma ferramenta unificada Lider-Calener (para obra nova). O vídeo, de seguido.
Adrián Lloret sube igualmente outro video para modelización na ferramenta unificada Lider-Calener (para obra nova).
Dende a Universidad Miguel Hernández de Elche, e da asignatura Eficiencia Energética, correspondente ao grao de Enxeñería Mecánica, tamén temos unha lista de reproducción na que desenrola igualmente un exemplo de aplicación do programa Lider. Tamén a páxina web da asignatura.
Engine-er MEC sube tamén un titorial en dúas partes para emprego de Calener VYP (vivendas e pequeno terciario). De momento non ten máis videos, esperemos que continúe.
E por último guindo un vídeo da canle Youtube de Raúl Carmona Muñoz, que tamén ofrece servizos de formación a través de EasyCTE, páxina de consultoría e formación. Na súa canle Youtube ten bastantes vídeos que abranguen dende o cálculo de estruturas ata instalacións e CTE, e un deles é o que vos poño no que indica cómo cumprir o DB HE-0.
Se cadra xa vai sendo tempo que nos poñamos a elaborar un dicionario on-line da construción en galego, non viría nada mal.
O que sucede con isto da Internet é que cada vez a cousa vai máis rápido, cada vez temos máis información ao alcance da man e cada vez xorden máis iniciativas que vannos facendo a vida máis doada aos que temos que manexar moita información nunha actividade multidisciplinar como é a construción ou deseño de edificios.
Desta volta estábame paseando pola rede cando atopeime casualmente o dicionario da Fundación Laboral de la Construcción, no que, dun xeito bastante gráfico e resumido fan un listado de termos que non está para nada de máis para quen se inicia no eido da construción ou simplemente ten unha dúbida para un termo. A ligazón aquí.
E como mostra, a definición neste mesmo diccionario do termo retroexcavadora.
Como me puxen a curiosear de seguido con San Google, o certo é que non tardei en atopar outros dicionarios tamén interesantes.
O primeiro o dicionario do portal Construmática, este en principio un pouco máis simple xa que ten poucas imaxes, que sempre son de agradecer cando se trata de definir elementos construtivos. A ligazón, aquí.
Outro que me chamou bastante a atención foi o do portal Construnario, este un pouco máis amable xa que aporta para os elementos definidos algúns gráficos e fichas técnicas descarregables. A ligazón e de seguido unha pequena mostra.
Estas ferramentas en principio teñen bastante bó aspecto e parecen útiles, se ben espero nas mesmas unha pronta mellora.
Agora ben, se sodes profesionais, e, para o caso de estudantes, se volo podedes permitir, un dos mellores libriños que teño visto é o Diccionario visual de la Construcción, editado polo COAC e que trae unha amplísima mostra de termos construtivos e arquitectónicos, marabillosamente grafiado e que todo técnico debera ter a man. O COAG editouno tamén cunha versión de castelán-galego (a orixinal era castelán-catalá) que non teño localizado na rede, pero podedes acceder á versión castelán-catalá (ainda que recomendo encarecidamente a súa adquisición) mediante esta ligazón. Unhas mostras de seguido para certificar que este libro é unha pequena xoia.
Xa tiña visto por ahí a páxina do profesor Manuel José León Bonillo, da Universidade de Sevilla, e chamárame bastante a atención a cantidade de recursos, moi adecuada para calquera estudante de topografía.
Disculparedes o chiste do título, pero a verdade creo que isto é o que máis me emociona dende os xogos para PC.
Resulta ser que cando Marcio Sequeira de Oliveira facía un máster de arquitectura pensou que, efectivamente, o cálculo estrutural era un tema moi teórico e bastante abstracto, polo que matinou en efectuar un modelo visual que permitira contemplar dun xeito próximo o comportamento estrutural.
Isto levouno a crear un kit de pezas na liña dos LEGO ou MECANO que servira, mediante a diferente combinación de elementos, para crear diferentes modelos estruturais. A relación básica de pezas podedes vela na seguinte imaxe.
O resultado é sorprendente, xa que efectivamente diferentes combinacións de pezas levan a obter diferentes tipos de estruturas. Un exemplo o temos nas seguintes imaxes, nas que as pezas imantadas redondas con designación C fan o papel dos nós estruturais, mentres que a colocación nos bordos dos nós de elementos triangulares RC como cartelas permiten a estes nós funcionar como empotramentos. Deste xeito podemos combinar unhas poucas barras (pezas con forma de muelle) con pezas C para facer unha estrutura isostática, que podemos transformar en hiperestática coa colocación das pezas RC arredor do nó para coartar o xiro e converter unha articulación en empotramento, como vemos nas seguintes fotos.
A tese do Marcio (que podedes descargar dende esta ligazón) demostrou que MOLA pode empregarse como un modelo válido cun funcionamento moi similar ao dunha estrutura real, o que o convirte nunha ferramenta en principio bastante válida para o estudo.
O interese mostrado polo funcionamento do aparello por outros profesionais dende que en 2005 comezou a deseñalo moveu a Marcio a efectuar o prototipo dun kit que poidera poñerse á venda, o que ten moi bo aspecto e permite para unhas poucas pezas efectuar a montaxe de máis de 100 tipoloxías estruturais, pero que para ser producido a escala industrial e distribuido comercialmente require de crowfunding.
Para que obteñan os 50.000 reais precisos podes facer unha aportación que pode ir de 20 a 10.000 reais, recibindo unha recompensa que vai dende o mail de agradecemento con mención no libro ata recibir, incluíndo gastos de envío internacionais, 10 kits MOLA para aulas cunha conferencia e sesión práctica.
As aportacións que podes facer e as vantaxes que podes recibir están todas moi ben explicadas na páxina do proxecto.E, se ben apenas queda un mes para rematar o período de financiamento, os 50.000 reais están superados ampliamente, polo que de seguirse o planning teríamos MOLA nas tendas a partir de xullo de 2015.
E se non queres ou non podes apoiar económicamente contribúe á difusión da idea compartindo esta entrada. Eu tampouco me beneficio por isto! :) En todo caso se MOLA xa me gustaba polo seu aspecto e utilidade, o seu xeito de procurar financiación mediante crowfunding xa me encanta.
E para terminar e por se queredes saber máis, un pequeno video coa explicación do proxecto e as ligazóns pertinentes de seguido para ter algo máis que mirar.
Como isto da información libre debería estar acompañado de paso dun software libre, sorprendeume agradablemente atopar nunha publicación en Google + do meu contacto Evelio Sánchez (arquitecto e pontevedrés de pro) esta páxina web do Grupo de Amigos de Linux de Pontevedra.
Na mesma páxina tes unha wiki na que relatan os seus 10 anos de historia, aportan manuais (para configurar o teu propio mini servidor web, seguridade nas redes sociais ou instalar un módem Linuxant, a verdade teñen un nivel que me supera) ou publican directamente as súas conferencias.
Está como para perder un bó tempiño mirando na páxina, aparte que da ligazóns a outros grupos de usuarios de software libre da comunidade, como os de A Coruña, Mugardos, Ordes ou Melide.
En definitiva, unha páxina a ter moi en conta que dende hoxe tedes tamén no grupo de ligazóns á dereita no apartado de informática.
Despois da primeira, a segunda e a terceira, esta sería a cuarta entrada que facemos neste blogue sobre os MOOC. Aínda que non dubido que o
interese que os mesmos producen xustifica sobradamente tal atención.
De todos os xeitos podemos facer un rápido repasiño sobre os
mesmos: o termo MOOC, ou Curso Aberto Masivo Online, comezouse a empregar en
data tan recente como o ano 2008 por David Cormier, quen facía labouras de
comunicación web e innovación na Universidade de Prince Edward Island.
Os MOOC son cursos universitarios aproveitables por calquera
persoa en calquera parte do mundo sen custe algún. Non se reciben créditos por
eles, pero algúns permiten a obtención dun certificado de aproveitamento. Os
cursos abarcan gran cantidade de materias e son deseñados por primeiras figuras
nos campos abarcados. Moitos están en inglés, ainda que non todos e procurando un pouquiño localízalos en castelán.
Posiblemente o máis coñecido é Coursera. Segundo se pode
obter da rede, ten arredor de 17.000.000 de matrículas de estudantes de 190
países, acadando 240.000 matriculados nun só curso. Oferta uns 400 cursos en máis
de 20 categorías, disponibles en 12 idiomas diferentes.
Edx oferta MOOCs e aulas interactivas on line en materias
como dereito, ciencia, enxeñería, ciencias sociais, informática, saúde e
intelixencia artificial.
O MIT de
Massachussets publica de xeito gratuíto a maioría das materias impartidas nas
súas aulas, ofertando máis de 2.000 cursos.
Stanford posúe tamén cursos en aberto, que ao igual que no
caso do MIT son boas opcións se o que pretendes é seguir ao teu propio ritmo.
Dende Europa, en Alemaña Iversity oferta cursos en inglés e
alemán que entraron na rede o pasado mes de outubro. Future Learn é subsidiaria
da British Open University, e se prevé que os seus cursos estean en liña este
mes de novembro.
Para aprender linguas Duolingo ofrece ensinanzas gratuítas
en idiomas. Con respecto a programación Code Academy oferta leccións libres e
interactivas.
Con respecto a Open Culture, pois que é unha páxina á que
lle teño moita simpatía xa que ten precisamente o espíritu de paseandopolanube:
o seu editor localiza na web cursos, películas, documentais e videos libres, albergándoos no
seu site. Os cursos son de audio e video, podendo descarregarse no PC ou para
lectores mp3.
Agora ben, se do que tedes ganas é de curiosear máis aínda
xa vos deixo á vosa disposición unha listaxe moitísimo máis ampla en http://www.mooc-list.com/
Que pasedes un bó anaco con isto, tedes material para facelo!
Empregaremos para
referirnos a eles o termo saxón, se ben eu coñecinos como “diagramas orgánicos”,
termo que me parece mais apropiado... en fin, o esnobismo parece estar bastante
aceptado pola rede.
Un mapa mental
consiste nun esquema de memorización representado de xeito radial, de maneira
máis creativa e esquemática que un típico diagrama de chaves ou por puntos.
Foron popularizados por Tony Buzan coa publicación no 74 do libro “Use yourhead”.
Ao elaborar un
mindmap non metemos no mesmo toda a información, se non unha representación da
mesma: a clave cando se elabora este tipo de esquemas é organizar a información
e aumentar o esquematismo elaborado de xeito que un concepto poida quedar
definido por unha soa palabra ou termo, que actúe como un “gancho” ou “palabra
clave” que arrastre máis conceptos que xa coñecemos previamente, construíndo un
“mapa” dos coñecementos que queremos lembrar, non explicando os mesmos.
Mindmap cos puntos clave de elaboración de mindmaps.
Por outra parte,
o seu xeito de desenrolo é bastante práctico, xa que partimos do centro do
folio onde o elaboramos, tendo maior liberdade e espazo para facer unha
organización dos conceptos que iremos anotando.
Borrador de apuntes polo método de mindmap.
Por suposto que para facer mindmaps non son precisos máis que rotuladores de cores e un folio, se ben esta forma de organización de esquemas é adecuada para o seu tratamento dixital, de xeito que xa
existen na rede aplicacións, moitas delas gratuítas, que nos permiten elaborar
no noso ordenador mapas mentais fácil e rapidamente.
Mindmap dixital con conceptos básicos de instalacións eléctricas.
Acerca da súa
utilidade, emprego e elaboración teño atopado un curso básico de mapas mentais
ben interesante elaborado pola Diputación Foral de Guipúscoa que poño á vosa
disposición aquí.
Aparte dunha
serie de seis vídeos onde explican detallada e graficamente o seu emprego podes
descargar un arquivo en pdf na parte inferior, no link Anexo: descargar manual completo, para
telo gardado.
Se tedes interese polo procedemento (o teño empregado con bos resultados, por certo) vos deixo como remate algunhas direccións web dende onde podedes descargar programas gratuítos, se ben o meu favorito, o Concept Draw Professional que permite elaborar gráficos Pert, Grantt ou eléctricos, é de pago. Fago notar que pode ser unha inversión rendible para estudantes ou xerentes.
Xente, isto vai como unha chispa: hai apenas dúas semanas que falábamos dos MOOC de Miríada X, hai apenas unha semana que falábamos dos MOOC impartidos pola UNED e xa temos outros catro enlaces a cursos masivos online en aberto, a saber: Udacity: plantexada como unha auténtica universidade on-line, xa espera acadar medio millón de alumnos, e iso que non otorga ningún recoñecemento oficial. EDX: Plataforma que involucra ás universidades de Harvard, California-Berkeley, Georgetown e Texas, ademáis de outros centros como o MIT, nun campus virtual gratuíto que sí oferta diploma de aproveitamento dos cursos realizados. Coursera: Plataforma co respaldo da Universidade de Stanford, inclúe foros de intercambio de opinións entre estudantes. Futurelearn: Proxecto europeo no que de momento están implicadas universidades do Reino Unido e que prevé arrancar cos cursos este ano 2013. E todo isto en menos de seis anos dende que se empezou a andar con isto dos MOOC. Que, como recordaredes, xurdiron de varias universidades públicas norteamericanas que agora xa ven nesta ferramenta un xeito de captar alumnos para mantelos no seguinte semestre, agora sí pagando as correspondentes taxas de matriculación. Abondando no mesmo, non se considera logo aos MOOC como un complemento senon como parte dun grao, coa correspondente obtención de créditos. O certo é que a prensa máis prestixiosa xa se fai eco do fenómeno e mostra interese polo mesmo. Ben, a historia dos MOOC é curta, pero xa da para facer un video de seis minutos que igual vos interesa. Aviso que as cifras do alumnado asustan.
A cuestión logo consiste en cómo vai influír esto no funcionamento das universidades nun futuro a medio prazo. Con Internet é moi difícil facer cábalas, é un medio en exceso dinámico e un corre moitos riscos facendo quinielas con él, ainda que xa podedes facervos á idea de que isto terá influencia nos modelos de estudos futuros do mesmo xeito que se variou o modelo da prensa, que xa non pode quedar como simplemente escrita en papel. O marco da universidade tradicional pode quedar definitivamente superado con esta ferramenta. Ao respecto vos aporto tamén un interesante artigo publicado hoxe en La Vanguardia onde se contrapoñen as dúas posicións que en principio adopta o mundo académico con respecto ao fenómeno: velo ben como unha amenaza que pode barrer as universidades ou ben como un tsunami do eido educativo que liberalizará por completo o coñecemento cunha "educación global, aberta e gratuíta". Como comprenderedes quédome coa segunda opción :) De todos modos a partir de hoxe xa tendes ligazóns á dereita onde dirixirvos se queredes localizar novos MOOCs. E por suposto outro video con algunha información máis sobre o tema.
Ainda que xa puxen un destes vídeos, vou agrupar estes tres en outro post xa que agrupan as principais operacións con nivel e teodolito electrónico, incluíndo as fundamentais operacións de estacionamento de aparatos que debemos mirar en aulas e que varían según empreguemos nivel ou estación total. Como sempre, agradecer a distribución da canle Youtube da UPV e esperar que máis universidades e centros educativos se apunten a iniciativas como estas. Nivelación xeométrica.
Estacionamento e lectura con teodolito.
Enlace de Moinot para itinerario con estación total.
A UPV estame dando grandes satisfaccións a base de OCWs e canles de video con clases.
Por se queredes lembrarvos do estacionamento dun teodolito para comezar un traballo topográfico, aquí tendes unha pequena clase sobre o mesmo. Máis na canle de Youtube da UPV. Deica.
Víctor Yepes Piqueras imparte clase na Universidad Politécnica de Valencia, e tamén se encarga de distribuír os seus apuntes pola rede.
Podemos atopar información recopilada por él no seu blogue ou na súa páxina web, aínda que me interesan moito as súas clases impartidas a través da rede en Youtube. Para mostra un botón: para a análise do traballo da maquinaria nos explica neste simpático vídeo cómo elaborar un diagrama PERT.
Graciñas a Raquel Alonso, temos tamén a ligazón á páxina web da Asociación do Profesorado de Tecnoloxía de Galicia. Por certo que na mesma denuncian que o novo anteproxecto de LOMCE fai desaparecer as materias de Tecnoloxía, reducíndoas a 1º de ESO. Ollo ao dato e os que temos que ver co ensino mellor que sigamos o desenrolo desta lei.
