Coa cantidade de reformas que leva a LOUPMRG nos seus escasos doce aniños, agora van e lle meten man de novo.
Cabe engadir de todos os xeitos que a nova reforma paréceme de momento a máis acertada. Se ben haberá que esperar ao texto completo para ver cómo queda, dúas cousas parécenme bastante importantes: empezando por ahí prevese que os concellos de menos de 5000 habitantes poderá aprobarse unha nova figura denominada "Plan básico", que será deseñado específicamente pola Xunta e que eu francamente preferiría que fora obrigatoriamente adoptado por esta para o caso de que non se efectúe polo Concello correspondente un PXOM nun prazo determinado, o que podería evitar desfeitas como que un terzo dos concellos galegos, despois de doce anos de aplicación da LOUPMRG sega sen ter planeamento xeral.
Outra sería a posibilidade de axilizar os trámites de xeito que un PXOM poida redactarse nun período de tres anos en lugar dos seis que chega a levarlle hoxe en día.
Como inconvintes, que a posibilidade de dotar aos Concellos pequenos de planeamento xeral non debe deixarse ao libre albedrío destes, senon que debería impoñérselles chegado o caso ou moitos concellos non chegarán nunca a efectualo. Por outra parte, se ben sería necesario axilizar a redacción do planeamento xeral, é de esperar que isto se faga facendo máis sinxela a documentación a redactar, do contrario non se adiantará tampouco gran cousa.
En fin, esperemos pronto ter máis novas do asunto e que as mesmas sexan favorables.
Deica.
sábado, 31 de maio de 2014
domingo, 11 de maio de 2014
Estradas: nova norma de sinalización vertical.
Se ben me pasou desapercibido, o pasado 7 de abril o Ministerio de Fomento publicou unha nova norma de sinalización horizontal, a 8.1 IC "Señalización vertical", que substitúe a antiga de 1999.
Por se tedes que mirala, vos aporto a nova normativa 8.1 IC, a nota de prensa correspondente de Fomento e o acceso á páxina da normativa técnica xeral de estradas.
Deica.
Por se tedes que mirala, vos aporto a nova normativa 8.1 IC, a nota de prensa correspondente de Fomento e o acceso á páxina da normativa técnica xeral de estradas.
Deica.
Operacións básicas con Autocad Civil 3D versión 2013 III: Deseño dunha estrada explicada en videos de Youtube.
Por último, para rematar cos videos de traballos de obra civil efectuados con Autocad Civil 3D, dende a mesma canle Youtube de Israel Rodríguez Fernández, dous vídeos que nos detallan cómo se efectúan trazados de estradas mediante esta ferramenta.
Cabe engadir que, como podemos ver nos vídeos, Autocad Civil 3D permite a inclusión de plantillas e librarías que se adaptan á normativa específica de cada país, como sería no caso de España a norma de trazado de estradas 3.1 IC. Para iso temos que descargar os "country kits" correspondentes ao noso pais que nos ofrece de xeito gratuíto Autodesk nesta outra ligazón, que veñen coa normativa correspondente ao respectivo país e nos que atopamos o .xml que vimos no video.
Saúdos.
Saúdos.
xoves, 1 de maio de 2014
Operacións básicas con Autocad Civil 3D versión 2013 II: Operacións básicas de enxeñería civil explicadas en videos de Youtube.
Continuando co post anterior, no que xa avisei que Autocad Civil 3D 2013 ten moito xugo que quitar, pois me teño atopado coa canle Youtube de Israel Rodríguez Fernández, que aparte de estudar na Universidade de Cantabria creou uns cantos videos nos que detalla, sen sonido pero con bastantes indicacións, os pasos para ir facendo un traballo de enxeñería civil con Civil 3D,
Como aperitivo, podemos ver os seguintes videos referentes ao traballo con Civil 3D:
Como aperitivo, podemos ver os seguintes videos referentes ao traballo con Civil 3D:
Operacións básicas con Autocad Civil 3D versión 2013 I: Importar puntos.
Aínda que xa está no mercado a versión do 2014, penso que todavía hai bastante que aprender e moito xugo que sacar ás aplicación de Autocad á enxeñería civil e topografía dende a súa versión 2013.
E aviso que a mesma non é moco de pavo. Temos que partir da base de que importamos puntos tomados directamente dende a estación total, datos que son logo puntos con coordenadas X eY xunto con cotas Z, e que por outra parte estes puntos deberon ser numerados no levantamento, coa posibilidade de incluirlles descricións de datos.
Por exemplo, vou poñer a imaxe dunha folla de cálculo de Excel cuberta polos alumnos que tamén nos serve para levar datos a Autocad Civil 3D.
Unha vez que teñamos este arquivo en Excel e que eliminemos todas as columnas excepto as de "Punto visado" e as correspondentes a "Coordenadas" (x, y, z) podemos salvalo en varios formatos que nos permiten pasar os puntos a Autocad Civil 3D. Para iso podemos gardar o arquivo Excel cunha extensión .csv (de Excel) ou .txt (bloc de notas) co seguinte formato.
Unha vez que temos este arquivo de puntos definido podemos pasar a insertar todos os puntos á vez en Autocad como unha nube de puntos.
Para isto abrimos Autocad e poñemonos no menú Insertar, tendo coidado que o menú de ferramentas estea en Prospector. No mesmo iremos a abrir a orde "Puntos" para insertar os datos do traballo topográfico.
Ao despregar o menú de "Puntos de archivo" temos o seguinte cadro de diálogo. Clicamos no signo "+" e seguimos para un menú de apertura de arquivos, onde escollemos o -txt que nos interese.
É importante que cando carguemos o arquivo nos apareza un símbolo verde de conformidade como o que temos na seguinte figura, se pola contra aparece unha cruz branca nun círculo roxo non poderemos cargar o arquivo, seguramente por un problema de comas ou por ter un mal formato de numeración tipo P1 ou similar. Por outra parte escollo para este arquivo un formato PENZD (Punto, Este (x), Norte (y), Z (cota), D (descrición)) delimitado por comas (tamén pode valer delimitado por espazos). Cando o facemos aparece na caixa inferior unha previsualización dos puntos con número, abscisa, ordeada, elevación e código.
Cabe engadir que se fixemos o traballo dende Excel é moi posible que os decimais aparezan separados por comas e non por puntos, como o require Civil 3D. Para remediar isto, cando teñamos pasado os datos a txt podemos editar o contido e substituír as comas por puntos (graciñas, Raquel). É moi importante que nos datos que pasemos a Autocad os decimais aparezan marcados por puntos, do contrario o programa pensará que, ao haber unha coma, pasamos dunha coordenada a outra e fará un guirigai de datos.
Se temos todo correcto facemos clic en Aceptar e cargamos os puntos ao debuxo. Facemos Zoom extensión e miramos o resultado.
A verdade é que en principio non é moi prometedor. Pero podemos editalo.
A clave destes arquivos é que creamos un ficheiro de puntos COGO (puntos con coordenadas xeográficas) que non teñen nada que ver cos puntos típicos de Autocad. Estes puntos veñen coas súas coordenadas, numeración e información, pero nesta visualización non podemos aprecialo. Para conseguilo temos que entrar no espacio de ferramentas en modo Prospector, facer clic en "Grupos de puntos", escoller o noso grupo de puntos e facer botón dereito no mesmo escollendo "Propiedades". Con iso abrimos a fiestra de "Propiedades" e miramos na primeira pestaña de "Información". Agora poderemos ver as dúas ordes que empregaremos de seguido: "Estilo de punto" e "Estilo de etiqueta de punto".
En primeiro lugar actuamos sobre "Estilo de punto". Por defecto ven en formato "Basic", formando simplemente un aspa. Se despregamos as opcións de estilo de punto podemos empregar outras máis atractivas como "Benchmark", que emprego a continuación. Ten este formato.
Como dixemos antes, trátase de puntos COGO que posúen información por si mesmos e teñen un tratamento parecido ao dos bloques de Autocad. Para que se visualicen número de punto, cota e descrición despregamos "Estilo de etiqueta de punto" e escollemos a opción "Point-Elevation-Description".
Unha vez feito isto xa podemos clicar en "Aplicar" e "Aceptar". O resultado ven sendo o seguinte:
Apenas se entenden os textos, polo que actuamos modificando a escala (que é escala de textos e puntos) e que está sinalada en roxo na foto superior como mellor nos conveña en función das unidades empregadas. Neste caso paso de 1:1000 a 1:100 e queda como segue.
Outra vista de varios puntos coas súas características agora visibles.
Agora teremos que crear unha superficie de terreo. Para iso, sempre dende Prospector, facemos clic co botón dereito sobre "Superficies" e dámoslle a "Crear superficie".
O novo cadro de diálogo queda como segue:
Dámoslle a Aceptar e xa temos a superficie creada. Pero non lle temos asignado ningún punto, polo que non apreciamos nada.
Temos que despregar novamente a orde de "Superficies" dende o espacio de ferramentas en Prospector. Agora temos a nosa superficie creada, "Superficie topográfica", pero lembremos que non ten ningún punto asignado. Despregamos logo a opción de "Definición" e escollemos "Grupos de puntos". Escollemos "Añadir".
Agora escollemos "Todos los puntos" e dámoslle a "Aplicar" e "Aceptar".
Con isto xenera unha liña de contorno e teríamos rematada a creación da superficie do terreo co debuxo das curvas de nivel do terreo.
Aquí outro exemplo.
Con isto teríamos definido o terreo, pero lembremos que Civil 3D ofrece moitas máis posibilidades como son a inclusión de liñas de condución ou estradas, con obtención inmediata de perfís (lonxitudinais e transversais) así como cubicación de movementos de terras.
Para ver cómo podemos facer algunhas destas cousas mellor sigo no seguinte post, onde o tedes pero que moi completo.
Pero como sempre hai que saber algo máis vos deixo un interesante blog con tutoriais do programa: Tutoriales Civil 3D.
E en concreto dous artigos que ten bastante interesantes:
Importación de levantamentos topográficos a través de arquivos de texto.
Creación de superficie a partir de curvas de nivel.
E por suposto, os foros en castelán de Autodesk.
Tamén esta entradiña: http://topografiaenautocad.blogspot.com.es/2012/07/importar-cartera-autocad-civil-3d-2012.html
http://www.geofumadas.com/civil-3d-diseo-de-carreteras-leccin-1/
Deica.
E aviso que a mesma non é moco de pavo. Temos que partir da base de que importamos puntos tomados directamente dende a estación total, datos que son logo puntos con coordenadas X eY xunto con cotas Z, e que por outra parte estes puntos deberon ser numerados no levantamento, coa posibilidade de incluirlles descricións de datos.
Por exemplo, vou poñer a imaxe dunha folla de cálculo de Excel cuberta polos alumnos que tamén nos serve para levar datos a Autocad Civil 3D.
Observade que os puntos desígnanse tan soio por un número, non nos valen designacións do tipo A1, P1, etc.
Formato .txt. Observade que gardamos mediante este formato 1) número de punto, 2), 3) e 4) as coordenadas XYZ e por último unha descrición do punto, que se corresponden con celdas de Excel, todas separadas por comas.
Unha vez que temos este arquivo de puntos definido podemos pasar a insertar todos os puntos á vez en Autocad como unha nube de puntos.
Para isto abrimos Autocad e poñemonos no menú Insertar, tendo coidado que o menú de ferramentas estea en Prospector. No mesmo iremos a abrir a orde "Puntos" para insertar os datos do traballo topográfico.
Se temos todo correcto facemos clic en Aceptar e cargamos os puntos ao debuxo. Facemos Zoom extensión e miramos o resultado.
A clave destes arquivos é que creamos un ficheiro de puntos COGO (puntos con coordenadas xeográficas) que non teñen nada que ver cos puntos típicos de Autocad. Estes puntos veñen coas súas coordenadas, numeración e información, pero nesta visualización non podemos aprecialo. Para conseguilo temos que entrar no espacio de ferramentas en modo Prospector, facer clic en "Grupos de puntos", escoller o noso grupo de puntos e facer botón dereito no mesmo escollendo "Propiedades". Con iso abrimos a fiestra de "Propiedades" e miramos na primeira pestaña de "Información". Agora poderemos ver as dúas ordes que empregaremos de seguido: "Estilo de punto" e "Estilo de etiqueta de punto".
Para ver cómo podemos facer algunhas destas cousas mellor sigo no seguinte post, onde o tedes pero que moi completo.
Pero como sempre hai que saber algo máis vos deixo un interesante blog con tutoriais do programa: Tutoriales Civil 3D.
E en concreto dous artigos que ten bastante interesantes:
Importación de levantamentos topográficos a través de arquivos de texto.
Creación de superficie a partir de curvas de nivel.
E por suposto, os foros en castelán de Autodesk.
Tamén esta entradiña: http://topografiaenautocad.blogspot.com.es/2012/07/importar-cartera-autocad-civil-3d-2012.html
http://www.geofumadas.com/civil-3d-diseo-de-carreteras-leccin-1/
Deica.
luns, 21 de abril de 2014
50 guías para a construción en madeira.
Dende OVACEN, portal de Eficiencia Enerxética, se nos ofrecen gratuítamente 50 libriños para afinar na construción en madeira.
O post é tan amplio que non o comento, mellor mirádeo e aproveitade o que mellor vos veña. Pero ata tendes unha guía para facer rañaceos en madeira.
Deica.
O post é tan amplio que non o comento, mellor mirádeo e aproveitade o que mellor vos veña. Pero ata tendes unha guía para facer rañaceos en madeira.
Deica.
venres, 28 de marzo de 2014
Execución de obra civil e infografía: as canles de Voxelstudio e Proin3d.
Pois estaba buscando por Youtube algún video para ilustrar a execución dun emisario submarino e vou e atópome de novo cos videos de Voxel Studios e de Proin3d, empresas de producións audiovisuais e infografía que tamén teñen as súas propias canles de Youtube (aquí e aquí) onde mostran as súas creacións.
Con respecto ás mesmas, puntualizaría un detalle importante: non somente se centran nunha simple maqueta virtual de obras (cousa que por outra parte non estaría nada mal) senon que fan un cubrimento completo de importantes obras efectuadas por diversas construtoras detallando un dos aspectos máis importantes para o técnico medio: o proceso de execución das mesmas. Intentarei explicarme de seguido, en especial para os estudantes.
A imaxe que teño posta enriba é a da ponte atirantada de Talavera de la Reina, sobre o río Tajo. O seu diseño radical non foi gratuíto, xa que responde á necesidade de minimizar impacto ambiental non incluíndo pilas no río, e de paso aportando gran fermosura á entrada da cidade. Ata aquí todo ben para os neófitos, pero en especial cando se empeza na enxeñería hai que pensar que unha estrutura semellante, por moi ben que luza sobre o papel, require ser executada, e o proceso de execución pode ser tan complicado, innovador e rupturista como o propio deseño do elemento, por non falar que tal proceso debe ser levado a cabo cun custe lóxico e asumible. Do contrario mellor non empezala.
Ocorre con isto que, se ben eu son técnico en execución de obras, debe ser o aspecto da execución o menos contemplado nos temarios lectivos, motivo polo cal se lle esixe a un xefe de obra unha práctica mínima de tres anos laborais para que poida asumir en solitario obras algo complicadas, experiencia que debe ser adquirida a título persoal polo egresado. Estes mesmos problemas existen na formación profesional e son difícilmente solventables, asi que explicacións como as seguintes parecenme de todo punto pertinentes para os estudantes.
Pois ben, as dúas empresas citadas poñen de xeito libre os seus traballos infográficos na rede, de xeito que contemplándoos podemos facernos cargo dos procesos de execución, que aparecen bastante pormenorizados. Os videos non son unha simple maqueta virtual, senon un seguimento virtual da elaboración da obra, que se cadra nun día non tan lonxano terá que ser incorporado á documentación de obra final, como xa se fai cos planos "as built". Detalla a seguinte presentación o proceso de cimentación, a elaboración do piloño cos seus apoios, execución do taboeiro e remate final de mirador.
E como precisamente estábamos en aulas cos procesos de saneamento de poboacións, e moi concretamente coa situación do saneamento da ría de Vigo (unha paradisíaca ría que recibe os verquidos de cousa de 500.000 habitantes e na que se realizan actividades de cultivo mariño), pois podemos exemplarizalo co video de Voxelstudios sobre a nova EDAR de Vigo, ainda que este video é bastante descriptivo no referente ao resultado e non ao proceso construtivo.
E sen saírnos do saneamento da ría de Vigo, aquí temos outra infografía, esta vez elaborada por Proin3d, na que analisa con moito detalle todo o proceso de execución do emisario que transporta os efluentes da anterior EDAR ata o centro da ría.
Outras obras simpáticas de ver son a segunda fase da ampliación do peirao de Camariñas, o palacio Multiusos de Gran Canaria, a autovía Iznalloz-Darro ou o porto brasileiro de Açu.
Únicamente poñería como crítica que Voxelstudios fai comentarios das infografías cunha voz en off que puntualiza sobre as imaxes que estamos a ver, cousa que non é tan común nos videos de Proin3d, polo que, se ben estes poden ser comprendidos por aquel que teña unhas nocións básicas de obra civil, poden ser un pouco menos entendibles polos novatos.
En todo caso paréceme un material magnífico, moi ben elaborado e digno tanto de ser visto por estudantes en casa (e non me sinto máis que un eterno estudante, por certo) como de ser posto polo profesor na aula.
Espero que os disfrutedes, se ben non son máis que uns exemplos e tedes bastantes videos máis nas canles Youtube destas dúas empresas, das que vos repito ligazón:
Voxelstudios.
Proin3d.
E como sempre acaba aparecendo algo máis tendes aquí esta outra empresa: GEDESPRO3D
Deica.
Con respecto ás mesmas, puntualizaría un detalle importante: non somente se centran nunha simple maqueta virtual de obras (cousa que por outra parte non estaría nada mal) senon que fan un cubrimento completo de importantes obras efectuadas por diversas construtoras detallando un dos aspectos máis importantes para o técnico medio: o proceso de execución das mesmas. Intentarei explicarme de seguido, en especial para os estudantes.
A imaxe que teño posta enriba é a da ponte atirantada de Talavera de la Reina, sobre o río Tajo. O seu diseño radical non foi gratuíto, xa que responde á necesidade de minimizar impacto ambiental non incluíndo pilas no río, e de paso aportando gran fermosura á entrada da cidade. Ata aquí todo ben para os neófitos, pero en especial cando se empeza na enxeñería hai que pensar que unha estrutura semellante, por moi ben que luza sobre o papel, require ser executada, e o proceso de execución pode ser tan complicado, innovador e rupturista como o propio deseño do elemento, por non falar que tal proceso debe ser levado a cabo cun custe lóxico e asumible. Do contrario mellor non empezala.
Ocorre con isto que, se ben eu son técnico en execución de obras, debe ser o aspecto da execución o menos contemplado nos temarios lectivos, motivo polo cal se lle esixe a un xefe de obra unha práctica mínima de tres anos laborais para que poida asumir en solitario obras algo complicadas, experiencia que debe ser adquirida a título persoal polo egresado. Estes mesmos problemas existen na formación profesional e son difícilmente solventables, asi que explicacións como as seguintes parecenme de todo punto pertinentes para os estudantes.
Pois ben, as dúas empresas citadas poñen de xeito libre os seus traballos infográficos na rede, de xeito que contemplándoos podemos facernos cargo dos procesos de execución, que aparecen bastante pormenorizados. Os videos non son unha simple maqueta virtual, senon un seguimento virtual da elaboración da obra, que se cadra nun día non tan lonxano terá que ser incorporado á documentación de obra final, como xa se fai cos planos "as built". Detalla a seguinte presentación o proceso de cimentación, a elaboración do piloño cos seus apoios, execución do taboeiro e remate final de mirador.
E como precisamente estábamos en aulas cos procesos de saneamento de poboacións, e moi concretamente coa situación do saneamento da ría de Vigo (unha paradisíaca ría que recibe os verquidos de cousa de 500.000 habitantes e na que se realizan actividades de cultivo mariño), pois podemos exemplarizalo co video de Voxelstudios sobre a nova EDAR de Vigo, ainda que este video é bastante descriptivo no referente ao resultado e non ao proceso construtivo.
E sen saírnos do saneamento da ría de Vigo, aquí temos outra infografía, esta vez elaborada por Proin3d, na que analisa con moito detalle todo o proceso de execución do emisario que transporta os efluentes da anterior EDAR ata o centro da ría.
Outras obras simpáticas de ver son a segunda fase da ampliación do peirao de Camariñas, o palacio Multiusos de Gran Canaria, a autovía Iznalloz-Darro ou o porto brasileiro de Açu.
Únicamente poñería como crítica que Voxelstudios fai comentarios das infografías cunha voz en off que puntualiza sobre as imaxes que estamos a ver, cousa que non é tan común nos videos de Proin3d, polo que, se ben estes poden ser comprendidos por aquel que teña unhas nocións básicas de obra civil, poden ser un pouco menos entendibles polos novatos.
En todo caso paréceme un material magnífico, moi ben elaborado e digno tanto de ser visto por estudantes en casa (e non me sinto máis que un eterno estudante, por certo) como de ser posto polo profesor na aula.
Espero que os disfrutedes, se ben non son máis que uns exemplos e tedes bastantes videos máis nas canles Youtube destas dúas empresas, das que vos repito ligazón:
Voxelstudios.
Proin3d.
E como sempre acaba aparecendo algo máis tendes aquí esta outra empresa: GEDESPRO3D
Deica.
luns, 17 de marzo de 2014
Transformando arquivos PDF en DWG de Autocad.
Se cadra algún de vos pegou un arquivo pdf en Autocad para despois literalmente calcar o resultado e crear un dwg como o pdf de orixe. Tranquilos que eu tamén pringuei con iso.
Afortunadamente podemos descargarnos un programa gratuíto e de código aberto chamado Inkscape que permítenos pasar de pdf a dxf para despois abrir en Autocad como un dwg editable máis.
Non é moi perfecto xa que os sombreados quedan como liñas soltas ao igual que moitas entidades, pero axuda bastante se o que pretendes é pasar rápidamente ou editar un arquivo do que non dispoñes copia en dwg senon en pdf.
E como unha imaxe vale máis que mil palabras vos deixo un video dos que podedes encontrar na interesante canle Youtube de Autocad: Tutoriales, tips y trucos, canle que de paso vos pon outros videos ben recomendables para os que traballamos con Autocad.
O video do proceso de paso de pdf a dwg (uns 9 minutos):
Deica.
Afortunadamente podemos descargarnos un programa gratuíto e de código aberto chamado Inkscape que permítenos pasar de pdf a dxf para despois abrir en Autocad como un dwg editable máis.
Non é moi perfecto xa que os sombreados quedan como liñas soltas ao igual que moitas entidades, pero axuda bastante se o que pretendes é pasar rápidamente ou editar un arquivo do que non dispoñes copia en dwg senon en pdf.
E como unha imaxe vale máis que mil palabras vos deixo un video dos que podedes encontrar na interesante canle Youtube de Autocad: Tutoriales, tips y trucos, canle que de paso vos pon outros videos ben recomendables para os que traballamos con Autocad.
O video do proceso de paso de pdf a dwg (uns 9 minutos):
sábado, 15 de marzo de 2014
Proxecto de estruturas de formigón na edificación.
Como nunca está de máis lembrarse do complicado proceso de elaboración do proxecto dunha estrutura de edificación de formigón armado, non está de máis a entrada que vos traio hoxe.
A través do OCW da Universidad Politécnica de Madrid e en concreto das publicacións da área de coñecemento de Mecánica de Medios Continuos e Teoría de Estructuras, podemos irnos á asignatura de Proyecto de Estructuras de Hormigón de Edificación e dende alí descargar dende aquí un completiño prontuario para abordar o cálculo estrutural dun edificio en formigón armado.
Ao longo das diferentes partes que podemos baixar (e que non quedan mal encanutilladas para telas a man cando hai que calcular) repasamos, sempre coas oportunas referencias á normativa hespañola (EHE 08 e CTE), os principios de predimensionamento, fórmulas de armado para sección rectangular ou en T, repaso dos estados límites, disposición de armaduras, ábacos e detalles de armado, cimentacións (aínda en modo borrador pero bastante completa) e muros. Apórtanse tamén algunhas follas de cálculo para comprobacións.
A publicación complétase cun par de manuales de CYPE e SAP2000 así como con uns cantos exercicios tamén resoltos.
En suma, un material para ter a man xunto co prontuario da EHE 08 elaborado por Zaida Rincón xa publicado hai un par de entradas.
Espero que vos sirva de algo. Saúdos.
A través do OCW da Universidad Politécnica de Madrid e en concreto das publicacións da área de coñecemento de Mecánica de Medios Continuos e Teoría de Estructuras, podemos irnos á asignatura de Proyecto de Estructuras de Hormigón de Edificación e dende alí descargar dende aquí un completiño prontuario para abordar o cálculo estrutural dun edificio en formigón armado.
Ao longo das diferentes partes que podemos baixar (e que non quedan mal encanutilladas para telas a man cando hai que calcular) repasamos, sempre coas oportunas referencias á normativa hespañola (EHE 08 e CTE), os principios de predimensionamento, fórmulas de armado para sección rectangular ou en T, repaso dos estados límites, disposición de armaduras, ábacos e detalles de armado, cimentacións (aínda en modo borrador pero bastante completa) e muros. Apórtanse tamén algunhas follas de cálculo para comprobacións.
En suma, un material para ter a man xunto co prontuario da EHE 08 elaborado por Zaida Rincón xa publicado hai un par de entradas.
mércores, 5 de marzo de 2014
Galpón (Grupo de Amigos de Linux de Pontevedra).
Como isto da información libre debería estar acompañado de paso dun software libre, sorprendeume agradablemente atopar nunha publicación en Google + do meu contacto Evelio Sánchez (arquitecto e pontevedrés de pro) esta páxina web do Grupo de Amigos de Linux de Pontevedra.
Na mesma páxina tes unha wiki na que relatan os seus 10 anos de historia, aportan manuais (para configurar o teu propio mini servidor web, seguridade nas redes sociais ou instalar un módem Linuxant, a verdade teñen un nivel que me supera) ou publican directamente as súas conferencias.
Os artigos que publican tampouco son moco de pavo, nin as súas actividades, entre as que estás a tempo de anotarte a día de hoxe se tes ganas de construír a túa impresora en 3D.
Outro artigo que por sí mesmo merece unha entrada e maior divulgación é a que sinala a páxina de publicacións de libre acceso da UNESCO.
Está como para perder un bó tempiño mirando na páxina, aparte que da ligazóns a outros grupos de usuarios de software libre da comunidade, como os de A Coruña, Mugardos, Ordes ou Melide.
En definitiva, unha páxina a ter moi en conta que dende hoxe tedes tamén no grupo de ligazóns á dereita no apartado de informática.
Deica.
Na mesma páxina tes unha wiki na que relatan os seus 10 anos de historia, aportan manuais (para configurar o teu propio mini servidor web, seguridade nas redes sociais ou instalar un módem Linuxant, a verdade teñen un nivel que me supera) ou publican directamente as súas conferencias.
Os artigos que publican tampouco son moco de pavo, nin as súas actividades, entre as que estás a tempo de anotarte a día de hoxe se tes ganas de construír a túa impresora en 3D.
Outro artigo que por sí mesmo merece unha entrada e maior divulgación é a que sinala a páxina de publicacións de libre acceso da UNESCO.
Está como para perder un bó tempiño mirando na páxina, aparte que da ligazóns a outros grupos de usuarios de software libre da comunidade, como os de A Coruña, Mugardos, Ordes ou Melide.
En definitiva, unha páxina a ter moi en conta que dende hoxe tedes tamén no grupo de ligazóns á dereita no apartado de informática.
Deica.
martes, 4 de marzo de 2014
O prontuario da EHE 08 en Excel, por Zaida Rincón.
Pois estaba a procurar algunha cousa sobre Excel e cálculo estrutural na rede vou e atópome cun traballo de fin de carreira ben xeitoso efectuado por Zaida Rincón, da Escola de Enxeñería de Edificación da Universitat Politécnica de Catalunya, subido á rede no repositorio desta última.
Para descargar, nesta ligazón.
Se o descargades comprobaredes que tedes ao alcance da man, de xeito completamente gratuíto, unha folla Excel que permite calcular e comprobar seccións de formigón armado. Ollo, seccións, que para calcular unha estrutura fan falta máis cousas e un programa completo, se ben para comprobar elementos puntuais non ven nada mal ter a ferramentiña esta.
Ten bastante semellanza, e a verdade pretende suplir, a actualización do Prontuario del hormigón armado elaborado polo Instituto Español del Cemento y sus Aplicaciones, un pequeno programiña que moitos lembramos con cariño pero que tardou en actualizarse á norma EHE 08 e que finalmente o fixo a un prezo de 10 euros por licenza, e que con todo tamén podedes descarregar aquí.
O formato é moi simple: un libro Excel no que a primeira folla fai de índice abarcando as comprobacións de seccións que cubre o prontuario.
A partir de aquí o que temos que escoller no pe de pantalla é a comprobación que queremos efectuar, irmos a ela e efectuamos a comprobación requirida.
Como de todos os xeitos sempre pode haber complicacións e poden requirirse instrucións, no mesmo enlace do principio podemos baixar unha memoria e un manual de uso en castelán, xunto cun manual de uso en inglés. Para que logo faledes dos cataláns :)
Todo o documento está baixo unha licenza Creative Commons, así que podedes empregala citando a fonte e nas mesmas condicións de licenza.
Saúdos a todos, e por suposto unha calurosa aperta a Zaida pola magnífica aportación realizada.
Para descargar, nesta ligazón.
Se o descargades comprobaredes que tedes ao alcance da man, de xeito completamente gratuíto, unha folla Excel que permite calcular e comprobar seccións de formigón armado. Ollo, seccións, que para calcular unha estrutura fan falta máis cousas e un programa completo, se ben para comprobar elementos puntuais non ven nada mal ter a ferramentiña esta.
Ten bastante semellanza, e a verdade pretende suplir, a actualización do Prontuario del hormigón armado elaborado polo Instituto Español del Cemento y sus Aplicaciones, un pequeno programiña que moitos lembramos con cariño pero que tardou en actualizarse á norma EHE 08 e que finalmente o fixo a un prezo de 10 euros por licenza, e que con todo tamén podedes descarregar aquí.
O formato é moi simple: un libro Excel no que a primeira folla fai de índice abarcando as comprobacións de seccións que cubre o prontuario.
A partir de aquí o que temos que escoller no pe de pantalla é a comprobación que queremos efectuar, irmos a ela e efectuamos a comprobación requirida.
Como de todos os xeitos sempre pode haber complicacións e poden requirirse instrucións, no mesmo enlace do principio podemos baixar unha memoria e un manual de uso en castelán, xunto cun manual de uso en inglés. Para que logo faledes dos cataláns :)
Todo o documento está baixo unha licenza Creative Commons, así que podedes empregala citando a fonte e nas mesmas condicións de licenza.
Saúdos a todos, e por suposto unha calurosa aperta a Zaida pola magnífica aportación realizada.
luns, 3 de marzo de 2014
Subscribirse a:
Publicacións (Atom)